دحیرتان رېل پټلۍ له لارې چین ته لومړنۍ تجارتي محموله صادره شوه

Sayed Zaher Mo…
Wed, Sep 11 2019 3:31 PM
د اوسپنی پتلی اداره

د اوسپنی پتلی اداره- کابل
۱۵ سنبله ۱۳۹۸
د افغانستان د اسلامي جمهوریت د ټرانسپورټ وزیر ښاغلي انجنیر یما یاري په هغو مراسمو کې، چې دحیرتان رېل پټلۍ له لارې چین ته د افغانستان د لومړنۍ سوداګریزې محمولې د صادرولو په مراسمو کې، چې په حیرتان ټرانزیټي ښارګوټي کې جوړ شوي وو وویل، اوس د افغانستان پر مخ د سیمې او نړۍ زیاتره سوداګریزې لارې پرانېستې دي او د ولسمشر د اقتصاد محوره سیمه ییزې پالیسې پر اساس د ټرانسپورټ د سکتور ‌‌‌‌‌‌ډېر تمرکز د هغو لارو او مسیرونو پر خلاصولو او اسانولو دی، چې زموږ هېواد د سیمې له لویو سوداګریزو بازارونو سره تړي.

Afghanstan Railway

د چین ختیځ ایالت یېنټن ته د صادراتي توکو په دې محموله یا بسته کې یوولس سوه ټنه د کالت ‌‌‌‌‌‌ډبرې په یو څلوېښت واګونونو کې بار شوې دي، چې تر پروسېس وروسته په طبي درملو کې کارول کېږي. دا محموله به د چین يېنټن ایالت ته په دوولسو کاري ورځو کې د مسیر او موقعیت له بدلون پرته په مخامخ توګه د شپږ زره اووه سوه کیلومتره لارې تر وهلو وروسته ورسېږي. د رېل دا پټلۍ له حیرتان بندر څخه ازبکستان، له هغه ځایه قزاقستان او بیا د چین جمهوریت ته رسېږي.
افغانستان دا مهال د حیرتان، اقینې او تورغون‌‌‌‌‌‌ډۍ په بندرونو کې له ګاون‌‌‌‌‌‌ډیو هېوادونو سره د رېل مستقیمې کرښې لري او د ګڼو سیمه ییزو او نړېوالو توافقنامو پر اساس، زموږ توکي له همدې بندرونو، د منځنۍ اسیا، چین، ترکیې او ختیځې اروپا تر بازارونو رسېږي. دا مهال په ټول هېواد کې د رېل دوه سوه څلوېښت کیلومتره اصلي اوفرعي کرښې جوړې شوې، دېرش کیلومتره تر کار لاندې او شپږ څلوېښت کیلومتره نوې کرښې د جوړېدو کار ژر پېلېدونکی دی.

afghanstan Railway2

چین ته دلومړنۍ صادراتي بستې د لېږد په دې مراسمو کې د چارو ادارې تخنیکي مرستیال خان ولي خان بشرمل، په کابل کې د ازبکستان او قزاقستان سفیرانو، د چین سفارت تجارتي اتشه، د مخابراتو او معلوماتي ټکنالوژۍ وزارت مرستیال محمد هادي هدایتي او د بلخ سیمه ییزو چارواکو هم حضور درلود.

latest news and reports

Sat, Feb 29 2020 10:41 AM
Background image

Acting Minister to the Ministry of Transport Attends the First Meeting of Central Asia-South Asia Transport Cooperation in Tashkent Uzbekistan

Acting Minister of Transport and Head of Afghan Railway Authority Mohammed Yama Shams attended the first meeting of Central Asia-South Asia Transport Cooperation which was attended by. . .

Wed, Feb 26 2020 10:42 AM
Background image

Acting Minister of Transport Meets the Spanish Ambassador to Kabul

Acting Minister to the Ministry of Transport and Head of the Afghan Railway Authority, Mohammed Yama Shams, met today with Mr. Gabriel Ferrán Carrión, Ambassador of the Kingdom of Spain. . .

Sun, May 05 2019 2:54 PM
Background image

Fourth Meeting of CAREC Railway Technical Group Holds

The fourth meeting of the Central Asian Regional Economic Cooperation (CAREC)’s railway technical group held on April 22-24, 2019 in Tashkent, Uzbekistan. The meeting was attended by. . .

BACK TO NEWS