نشست هماهنگی جهت تأمین امنیت بهتر تأسیسات خط آهن

Sayed Zaher Mo…
Tue, Sep 15 2020 8:31 AM
security

محترم میرویس میرزکوال، معاون مالی و اداری اداره مستقل خط آهن افغانستان در نشستی با جنرال خوشحال سعادت، رییس عمومی تصدی محافظت عامه، روی ایجاد هماهنگی، همکاری و تأمین امنیت بهتر تأسیسات خطوط آهن کشور بحث و تبادل نظر نمود.

این نشست که در دفتر کار رییس عمومی تصدی محافظت عامه برگزار شد، معاون مالی و اداری اداره مستقل خط آهن افغانستان چالش‌ها و مشکلات امنیتی در مسیر و ایستگاه‌های خطوط آهن حیرتان-مزارشریف، آقینه، تورغندی، خواف-هرات و پروژه آقینه-اندخوی، را مطرح نموده و خواستار حل آن گردید.

جنرال خوشحال سعادت، حفاظت از پروژه‌ها و تأسیسات خطوط آهن را بسیار مهم خوانده و متعهد شد که در هماهنگی با اداره مستقل خط آهن، تدابیر امنیتی لازم را به‌شمول توظیف تیم‌های سیار امنیتی و افراز بیزهای نظامی در تمامی پروژه‌ها و خطوط آهن ذکر شده، روی دست ‌گیرد.

هم‌چنان در این جلسه موضوع مقروضیت شماری از شرکت‌ها و ادارات، از اداره مستقل خط آهن افغانستان مورد بحث قرار گرفته و قرار شد که این مورد پس از بررسی به‌زودترین فرصت تصفیه حساب شود.

در ادامه، آقای میرزکوال با اشاره به پروژه قطعه سوم خواف-هرات که قرار است تا چند ماه دیگر افتتاح و به‌بهبره برداری سپرده ‌شود، بر تأمین امنیت آن تأکید کرده و هم‌چنان قرار شد که تصدی محافظت عامه نیروهای بیشتری را در مسیر پروژه خط آهن آقینه-اندخوی توظیف نماید.

رییس عمومی تصدی محافظت عامه وعده سپرد که به مشکلات و پیشنهادات اداره مستقل خط آهن افغانستان در راستای تأمین امنیت پروژه‌ها، روند بهره‌بردای و انتقالات و تأسیسات خط آهن، اقدامات فوری را انجام دهد.

latest news and reports

Sat, Feb 29 2020 10:41 AM
Background image

Acting Minister to the Ministry of Transport Attends the First Meeting of Central Asia-South Asia Transport Cooperation in Tashkent Uzbekistan

Acting Minister of Transport and Head of Afghan Railway Authority Mohammed Yama Shams attended the first meeting of Central Asia-South Asia Transport Cooperation which was attended by. . .

Wed, Feb 26 2020 10:42 AM
Background image

Acting Minister of Transport Meets the Spanish Ambassador to Kabul

Acting Minister to the Ministry of Transport and Head of the Afghan Railway Authority, Mohammed Yama Shams, met today with Mr. Gabriel Ferrán Carrión, Ambassador of the Kingdom of Spain. . .

Sun, May 05 2019 2:54 PM
Background image

Fourth Meeting of CAREC Railway Technical Group Holds

The fourth meeting of the Central Asian Regional Economic Cooperation (CAREC)’s railway technical group held on April 22-24, 2019 in Tashkent, Uzbekistan. The meeting was attended by. . .

BACK TO NEWS