د ایران سفر په څنډه کې!
د افغانستان د اوسپنې پټلۍ ادارې عمومي رئیس ملا بخت الرحمن شرافت او مل هیئت د خراسان رضوي (مشهد) له والي محترم دوکتور سردار نظري سره وکتل.
دغه لیدنه کې داوړه هیئتونو د خواف ـ هرات ۳مې ټوټې اوسپنې پټلۍ له لارې د انتقالاتو په پیل خوښي وښوده او تاکید وشو چې ریلي همکارۍ باید نورې هم قوي شي.
ښاغلي سردار نظري وعده وکړه چې هڅه کوي د خواف ـ هرات اوسپنې پټلۍ مخابراتي سیستم لا قوي کولو په موخه د ایران په خواف سیمه کې نوي مخابراتي سایټونه فعال کړي، تر څو د انتقالاتو پر وخت د ستېشنونو تر منځ اړیکې له ځنډ او خنډ سره مخ نه شي.
۱۱ وږی ۱۴۰۲هـ.ش.
