د ۱۴۰۰ ه ش کال د بودجې په ترتیب او په شفافه توګه لګښت باندې یې ناسته وشوه
د افغانستان د اوسپنې پټلۍ خپلواکې ادارې، مالی او اداري مرستیال په مشرۍ چې پکې د اړونده ریاستونو رئیسانو، امرینو او تخنیکی همکارانو ګډون کړی وو ناسته وشوه، په یاده غونډه کې د ۱۴۰۰ مالي کال د بودجې سند په جوړښت او تخنیکی وړتیاوو باندې هر اړخیز بحث شو.
د افغانستان د اوسپنې پټلۍ خپلواکې ادارې، اداري او مالي مرستیال ټینګار وکړ چې په بودجه کې د لومړیتوب له مخې باید هغه پروژې شاملې شي چې اقتصادي وده، تخنیکی اغیزمنتیا او د ادارې د پرمختګ سبب وګرځي.
د اوسپنې پټلۍ خپلواکې ادارې په ټولو روانو، بشپړل شویو او راتلوونکو پروژو کې د کار چټکتیا او په پروسو کې د روڼتیا اصل په پام کې نیولو سربیره د تخنیکي تجهیزاتو او وسایلو په پیرودنه او د شته تاسیساتو په غوره ساتنه باندې لازم تصمیمونه ونیول شول.
