جمهور رئیس حضوریده خواف - هرات تېمیر یۉلی بیرینچی فازی تۉرتینچی بۉلیمینینگ شرطنامهسیگه قۉل قوییلدی
افغانستان اسلامی جمهوریتینینگ جمهور رئیسی محمد اشرف غنی حضوریده خواف – هرات تېمیر یۉلی بیرینچی فازی تۉرتینچی بۉلیمینینگ شرطنامهسیگه افغانستان تېمیر یۉل ادارهسی باشلیغی یما شمس و قزاقستان INKON KZکمپنیسینینگ مسئوللری اۉرتهسیده قۉل قۉییلدی.
۴۳کیلو متر اوزونلیکدهگی خواف – هرات تېمیر یۉلی بیرینچی فازی تۉرتینچی بۉلیمی هرات ولایتینینگ غوریان، زندهجان و انجیل ولسواللیکلریدن اۉتهدی. قوریلیش ایشی ۱۶ آی ایچیده بیتّیریلیشی نظرده توتیلگن مذکور پروژهگه ۸۵.۵ میلیون اقش دالری صرفلنهدی. بونینگ خرجتی افغانستان حکومتی تامانیدن تولهنیلهدی.
تۉرت بۉلیمدن عبارت تۉپلم اوزونلیگی ۲۲۵ کیلو متر خواف - هرات تېمیر یۉلی افغانستان و ایران اۉرتهسیده قوریلهدی. قوریلیش ایشی تکمیل بۉلگن ۶۷ کیلو متر اوزنلیکدهگی ایراننینگ شمتیغ چیگرهسیگه قدر بۉلگن مذکور پروژه فایدهلهنیشگه تاپشیریلیشی کوتیلهدی. شونینگدېک شمتیغ چیگرهسیدن غوریان ولسواللیگیگچه بۉلگن ۶۲ کیلو متر اوزونلیکده افغاسنتان توپراغیدهگی بو لایحه اوچینچی قسمینینگ ایشی ۹۵٪ ایلگری کېتگن.
