د بلخ اوسپنې پټلۍ ریاست ٢٠ تنه تخنیکي کارکوونکي سوګډیانا ټرانس کمپنۍ ته د عملي زده کړو لپاره معرفي شول!
دغه تخنیکي کارکوونکي به د ٦ میاشتو لپاره د سوګډیانا ټرانس ازبکستاني کمپنۍ چې د حیرتان-مزارشریف اوسپنې پټلۍ انتقالات او حفظ و مراقبت ترسره کوي، له متخصصینو څخه د رېل پټلۍ اړوند د انتقالاتو او حفظ و مراقبت په برخه کې عملي روزنه ترلاسه کوي.
همدارنګه په پام کې ده د دغو ٢٠ تنو تر فراغت وروسته، یوه بله ډله تخنیکي کارکوونکي یادې کمپنۍ ته د عملي زدهکړو په موخه معرفي شي.
د افغانستان د اوسپنې پټلۍ اداره هڅه کوي تر ممکن کچې خپلو کارکوونکو ته د عملي زدهکړو چانس برابر کړي، څو وکولای شي د اوسپنې پټلۍ ټولې چارې په افغاني کدرونو مخ ته یوسي.
د نشراتو آمریت
٢ جوزا ١٤٠٢ه.ش
