د خواف - هرات اوسپنې پټلۍ دریمې ټوټې د ترمیماتو چارې پیل شوې

Sayed Zaher Mo…
چهارشنبه ۱۴۰۱/۶/۳۰ - ۲۳:۵۸
ترمیمات روزنک

نن چهارشنبه د وږي ۳۰ مه هرات ولایت غوریان ولسوالۍ روزنک سټېشن کې د خواف - هرات اوسپنې پټلۍ دریمې ټوټې د ترمیماتو چارې د یو لړ مراسمو پر مهال چې د اوسپنې پټلۍ ادارې عمومي رئیس ملا بخت الرحمن شرافت او ورسره مل هیئت، د هرات والي، د ایران اوسپنې پټلۍ ادارې هیئت، د هرات اوسپنې پټلۍ ریاست رئیس مفتي محمد نسیم محمدي او د هرات گڼ دولتي چارواکي او د خصوصي سکتور استازي په کې حاضر وو، افتتاح شوې.

T herat


د غونډې پیل د قرآنکریم مبارکو آیتونو باندې وشو او بیا د اوسپنې پټلۍ ادارې عمومي رئیس ملا بخت الرحمن شرافت وینا وکړه. ښاغلي شرافت د غونډې گډونوالو ته وویل: دا یوه مهمه اقتصادي پروژه ده او موږ یې چارو ته په ځانگړې توگه متوجې یو او د اسلامي امـارت د رهبري ټینگ ملاتړ له ځان سره لرو.

T herat


د غونډې په دوام د هرات والي شیخ مولانا نوراحمد اسلام جار وینا وکړه او له خپل اړخه یې د دې پروژې لپاره پوره چمتوالی وښود او د دې پروژې په ساتنه یې ټینگار وکړ.

ورپسې د خصوصي سکتور په استازولي د هرات د تجارت او سوداگرۍ خونې رئیس هم وینا وکړه او دا پروژه یې د خصوصي سکتور د تقویې او انکشاف لپاره خورا ارزښت لرونکي وگڼله.

T herat


یاده دې وي چې د خواف – هرات اوسپنې پټلۍ درییمه ټوټه د غوریان ولسوالۍ له روزنک سټېشن څخه پیل او تر شمتیغ پورې دوام کوي چې اوږدوالی یې ۶۲ کیلومتره دی. چې اوس یې د ریلي او غیر ریلي چارو ترمیمات له یوې شفافې تدارکاتي پروسې وروسته د سندريلا شرکت سره قرارداد او نن یې عملا چارې پیل شوې او تر راتلونکو ۲ میاشتو به یې ټولې چارې پای ته و رسیږي. د چارو تر پای ته رسېدو وروسته به له دې لارې له ایران هېواد سره مخامخ انتقالات پیل او زیات شمېر هېوادوالو ته کاري فرصتونه برابر شي.

د اوسپنې پټلۍ اداره

د نشرآتو آمریت

۳۰/۰۶/۱۴۰۱ هـ.ش.

وروستي خبرونه او راپورونه

پنجشنبه ۱۴۰۱/۷/۷ - ۹:۸
Background image

د حیرتان - مزارشریف اوسپنې پټلۍ پروژې محافظت لپاره د نوي قومندان معرفي

د عامه ساتنې تصدۍ له لوري د حیرتان - مزارشریف اوسپنې پټلۍ او تأسیساتو د محافظت کنډک لپاره ښاغلی ملا عبدالغفور منیب د نوي قومندان په توګه وټاکل شو او نن د یو لړ مراسمو په ترڅ کې معرفي شو. . .

سه‌شنبه ۱۴۰۱/۷/۵ - ۱۷:۵۱
Background image

د افغانستان اوسپنې پټلۍ ادارې سرپرست د ترکمنستان له سفیر سره وکتل

نن سه شنبه د تلې ۵ مه د افغانستان اوسپنې پټلۍ ادارې سرپرست ملا بخت الرحمن شرافت کابل کې د ترکمنستان هېواد له سفیر ښاغلي خواجه عوضوف سره په خپل کاري دفتر کې لیدنه وکړه.

دې ناسته کې چې د. . .

دوشنبه ۱۴۰۱/۷/۴ - ۱۸:۱۲
Background image

د اوسپنې پټلۍ ادارې سرپرست د خوړو نړیوال سازمان د لوژیستیک برخې له مسؤل سره وکتل

نن دوشنبه د تلې ۴ مه د افغانستان د اوسپنې پټلۍ ادارې سرپرست ملا بخت الرحمن شرافت د افغانستان لپاره د خوړو نړیوال سازمان د لوژیسیتک برخې مسؤل ښاغلي درگوسلا سره چې د ازبکستان لپاره د خوړو. . .

تول