د نېکمرغه کوچني اختر په مناسبت د اوسپنې پټلۍ ادارې رئیس د مبارکي پیغام
د اسلامي امارت مشرتابه، علماء کرامو، مخورو، جهادي شخصیتونو، استادانو، کدرونو، وروڼو او خویندو ته د نېکمرغه کوچني اختر مبارکي وایم. د الله تعالی په مرسته او د افغان مېړني ولس په بېسارې قرباني د ویاړ ځای دی چې ګران هېواد مو له اشغالګرو پاک، اسلامي نظام حاکم او مثالي امن او ډاډ ټول هېواد کې خپور دی.
سپېڅلی ذات دې د ټولو هېوادوالو طاعات او عبادات قبول او خوښي ور په برخه کړي. د اوسپنې پټلۍ رهبري او ټول پرسونل په پوره اخلاص او صداقت زیار باسي څو هېوادوالو ته په خدمت کولو سره سوکالي ورپه برخه کړي.
په پای کې له الله تعالی څخه غواړم چې هیواد مو نېکمرغه او ګران هېوادوال مو سوکاله، ارامه، بریالي او خوښ ولري.
الله دې له ټولو هېوادوالو راضي شي.
په درناوي؛
ملا بخت الرحمن شرافت
د افغانستان د اوسپنې پټلۍ ادارې رئیس
