د افغان ټرانس اوسپنې پټلۍ پروژې د سروې تخنیکي ټیم وستایل شو
نن سه شنبه د افغانستان اوسپنې پټلۍ ادارې رهبري لخوا د افغان ټرانس اوسپنې پټلۍ د ابتدایي سروې افغان تخنیکي ټیم وستایل شو.
د افغان ټرانس اوسپنې پټلۍ ابتدایي سروې څه موده مخکې د افغانستان، پاکستان او ازبکستان اوسپنې پټلیو تخنیکي ټیمونو له خوا په بریالیتوب سره وشوه چې د افغان تخنیکي ټیم مشري انجینر میرویس غفوري کوله او غړي یې انجینر شاه پور محمدي، انجینر محمدیار صمیم او انجینر احمد تمیم آرمان وو، چې نن د ادارې د تخنیکي معاون انجینر عبدالباري صدیقي، تخنیکي متخصص انجینر محمد امین ناصر او دفتر رئیس شفیق احمد ریان په لاسونو ستاینلیکونه ورکړل شول.
د افغانستان اوسپنې پټلۍ اداره د مکافاتو او مجازاتو اصل ته په کتو تل دا هڅه کوي چې خپل پرسونل په مادي او معنوي توګه وستایي، څو لا ډیر د دین او هېواد لپاره په اخلاص او زحمت سره دنده اجراء کړي.
د اوسپنې پټلۍ اداره
د نشرآتو آمریت
۰۱/۰۹/۱۴۰۱ هـ.ش.
