په حمل میاشت کې د اوسپنې پټلۍ له لارې (۳۵۲۹۴۰) مټریک ټنه انتقالات شوي دي

د ۱۴۰۳ هـ.ش کال د حمل میاشتې له لومړۍ نېټې د همدې میاشتې تر پایه د افغانستان د اوسپنې پټلۍ له لارې (۳۵۲۹۴۰) مټریک ټنه انتقالات شوي دي.

د حیرتان اوسپنې پټلۍ له لارې (۲۶۸۹۳۶) ټنه، د آقینې اوسپنې پټلۍ له لارې (۳۹۷۰۳) ټنه، د تورغونډۍ اوسپنې پټلۍ له لارې (۴۳۰۱۱) ټنه او د خواف-هرات اوسپنې پټلۍ له لارې (۱۲۹۰) ټنه انتقالات چې ټولټال (۳۵۲۹۴۰) ټنه نفتي، غیر نفتي ، معدنې ډبرې او نور مواد دي، هېواد ته وارد او صادر  شوي دي.

د انتقالاتو له ډلې یوه برخه صادرات او ټرانزیټ دي، په حمل میاشت کې له هېواد څخه (۵۹۲۹) مټریک ټنه صادرات او ټرانزیټ شوي چې د صادراتو لویه برخه وچه مېوه، د آنارو جوس او معدني ډبرې دي.

درنو تجارانو! که غواړئ خپل سوداګريز توکي په خوندي، آرزانه او چټکه توګه د ريل پټلۍ له لارې انتقال کړئ، نو همدا اوس په مرکز کابل او ولايتونو کې د افغانستان د اوسپنې پټلۍ ادارې له آړوند مسوولينو سره په آړيکه کې شئ.

•             کابل: 0202320933

•             بلخ: 0792008090

•             هرات: 0793500545

•             فارياب: 0794050003

د افغانستان د اوسپنې پټلۍ اداره هڅه کوي، ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي.

د نشراتو آمریت

۲۰ ثور  ۱۴۰۳هـ.ش.

۳۰شوال مکرم  ۱۴۴۵ هـ.ق