په وروستیو ۷ ورځو کې تر ۵۲ زرو ټنو زیات سوداګریز مالونه د حیرتان – مزارشریف له لارې لېږدول شوي
په دې ورستيو ۷ ورځو کې (زمري د ۱۲ تر ۱۸ مه)، ۵۲ زرو ۱۷۰ ټنه زیات سوداګریز مالونه او خوراکي توکي، د حيرتان- مزارشريف، د اوسپنې پټلۍ له لارې لېږدول شوی دي.
دغه خوارکي توکي د ۸۱۱ واګونونو پرمټ لېږدول شوي دي، چې لويه برخه يې خوراکي توکي او همداراز نفتي، ودانيز او تجارتي مالونه دي.
وارد شوي توکي لکه؛ ۳۴ زره ۶۲۳ ټنه اوړه، ۶ زره ۵۵۹ ټنه غنم، ۱۲۲ ټنه غوړي، ۴ زره ۸۸۰ ټنه تيل، ۱ زرو ۴۰۷ ټنه اوبلن ګاز، ۳ زره ۷۹۲ ټنه ودانيز توکي او ۱ زرو ۱۵۰ ټنه د هيوادوالو نور اړين توکي دي
همداراز، د آقینې اوسپنې پټلۍ له لارې هره ورځ سلګونه ټنه سوداګریز توکي لېږدول کېږي او د آقینې اوسپنې پټلۍ په تم ځایونو کې یې د تخليې او بارګیري بهير په منظم ډول ترسره کېږي.