د بلخ د اوسپنې پټلۍ رياست د ښکلا په موخه لسګونه زینتي نهالان کښېنول شول
د پسرلي موسم په رارسيدو سره د بلخ ولايت د اوسپنې پټلۍ رياست د ودانۍ دننه د چاپيريال د ښکلا او سرسبزۍ په موخه لسګونه زينتي نهالان کښېنول شول.
ددې ترڅنګ د ياد رياست د ودانۍ دننه د ښکلا او سمسورتيا په موخه د سرسبزۍ اړوند ګڼ شمېر نورې اړینې چارې هم ترسره شوې.
د بلخ اوسپنې پټلۍ رياست په پام کې لري، چې د پسرلي موسم په راتګ سره په راتلونکو ورځو کې د ياد رياست مربوط د حيرتان بندر په يو شمېر سټيشنونو کې هم ګڼ شمېر نور زينتي نهالان او ونې کښېنوي.
دا په داسې حال کې ده، چې تر دې وړاندې د کندهار د اوسپنې پټلۍ آمریت لخوا د ودانۍ دننه د سرسبزۍ په موخه لسګونه بتې زينتي نهالان ايښودل شوي وو.
