له تورغندي اوسپني پټلۍ څخه ساتنه
د افغانستان اوسپني پټلۍ ادارې، کاری او تخنیکي تیمونه په دوامداره ټوکه د اوسپني پټلي له شته تاسیساتو او ددې ترڅنګ د تورغندي له اوسپني پتلۍ څخه ساتنه کوي.
لکه څرنګه چې هره ورځ د سېلابونو د بهېدو له امله د بې ځایه بوټو، خاورو او ډبرو څخه د یادې اوسپني پټلۍ د پاکولو، کېندلو او د اړتیا وړ ډبرو د ځای پرځای کولو او دغه راز د ادواتو بولټونو او کرښې پلېټونو چارې ترسره کېږي.
افغانستان د تورغندي د اوسپني پټلۍ له لارې د ترکمنستان، قزاقستان، اوزبیکستان او روسیې اوسپني پټلۍ له شبکې سره نښلول شوی او له دې لارې په کال کې زرګونه سوداګریز توکي لېږدول کېږي.
د افغانستان اوسپني پټلۍ ادارې هڅه کړې چې د پروژو د طرح او پلي کولو ترڅنګ، د اوسپني پټلي له شته تاسیساتو په سمه توګه ساتنه وکړي.
