حیرتان بندر کې د اوسپنې پټلۍ اداري تعمیر د بنسټ ډبره کېښودل شوه!
د افغانستان د اوسپنې پټلۍ ادارې له لوري د بلخ ولایت په حیرتان بندر کې د یوه باب اداري تعمیر د جوړېدلو چارې د بلخ اوسپنې پټلۍ ریاست د رئیس او کارکوونکو، د استراس دولتي شرکت د رئیس او ګڼو نورو دولتي مسؤلینو په حضور کې پیل شوې.
دغه اداري تعمیر چې د اوسپنې پټلۍ ادارې له بودجې تمویلیږي، په ۶ میاشتو کې به یې چارې پای ته رسیږي.
د دغه اداري تعمیر څخه د ګټه اخیستنې له امله به حیرتان بندر کې د اوسپنې پټلۍ ادارې کارکوونکي کافي اداري شعبې ولري، سوداګر به وکولای شي خپلې چارې له نږدې له یادو کارکوونکو سره همغږي کړي او په ټوله کې به سوداګرو ته اړین سهولتونه برابر شي.
۱۳ زمری ۱۴۰۲هـ.ش
