د اوسپنې پټلۍ تاسیساتو پر ډاډمن امنیت ټینګښت یې خبرې اترې
د افغانستان اوسپنې پټلۍ ادارې سرپرست او دمالي او اداري مرستیال تر مشړۍ او د عامه ساتنې ملي تصدي مرستیال، ښاغلي مولوی عنایت الله په ګډون، په یوه ګډه غونډه کې، د اوسپنې پټلۍ تاسیساتو د امنیت ټینګښت په تراو، خبرې اترې وشوې.
په دې ناسته کې چې د دې ادارې تخنیکي مرستیال، ښاغلي انجنیر عبدالباری صدیقی هم حضور درلود، د اوسپنې پټلۍ د تاسیساتو د ساتنې په اره خبرې وشوې. همداراز، د مزارشریف – حیرتان، آقینې – اندخوی، خواف – هرات، تورغونډۍ اوسپنې پټلۍ مسیرونو او دې پروژو پر غوړه امنیت ټینګښت لپاره، ټېنګار وشوه.
د ننګونو له اورېدو وروسته، داوړو لورو ژمنه وکړه چې د شته استونزو د حللولو په موخو په ګډه کار کوي، ترڅو د اوسپنې پټلۍ له تاسیساتو چې د هېواد لپاره حیاتي دي، په غوړه او پر وخت ساتنې وکړي.
