د مرکزي آسيا د اقتصادي او سيمه ئيزو همکاريو سازمان (CAREC) د اوسپنې پټلۍ د تخنيکي ډلې د څلورمې غونډې جوړېدل

Sayed Zaher Mo…
یکشنبه ۱۳۹۸/۲/۱۵ - ۱۴:۵۴
CAREC

د اوسپنې پټلۍ د تخنيکي ډلې څلورمه غونډه؛ د مرکزي آسيا د اقتصادي او سيمه ئيزو همکاريو سازمان د غړو هېوادونو د اوسپنې پټلۍ ادارو د لوړ رتبه پلاوو او همدارنګه د نړيوالو بنسټونو لکه نړيوال بانک(WB) ، آسيايي پراختيايي بانک(ADB) ، د اوسپنې پټلیو نړيوالې ټولنې (UIC)، د آسيا د زيربناوو د پانګونې بانک (AIIB) او نورو  استازو په ګډون د ۱۳۹۸ کال د غوايي په ۲-۴ نېټه د ازبکستان د تاشکند په ښار کې ترسره شوه.

همدارنګه په نوموړې غونډه کې د افغانستان اوسپنې پټلۍ ادارې لوړ رتبه پلاوي ګډون درلود، چې د جوړېدو موخه يې د تخنيکي همکاريو (TA) د نوې پروژې په عملي کولو سره تر ۲۰۲۰ کال پورې د CAREC د ريلي لېږد را لېږد د پراختيا ستراتيژي په اړه بحث کول وو ترڅو له ۲۰۱۷ کال څخه تر ۲۰۳۰ پورې د ريلي لېږد را لېږد د پراختيا ستراتيژۍ ته چې مخکې چمتو شوې وه د تطبيق زمينه برابره کړي.

د غونډې په بهير کې پريکړه وشوه چې د CAREC غړو هېوادونو د اوسپنې پټليو ادارې به په رسمي توګه خپل فوکل پاينټونه د آسيايي پراختيايي بانک ته ورپېژني ترڅو د اوسپنې پټلۍ د هغو متخصصينو سره اړين معلومات شريک کړي چې په پام کې ده د آسيايي پراختيايي بانک لخوا د تخنيکي همکاريو د پروژې د عملي کولو لپاره وګمارل شي.

وروستي خبرونه او راپورونه

چهارشنبه ۱۳۹۹/۵/۲۲ - ۹:۲۴
Background image

د خواف-هرات د اوسپنې پټلۍ پروژې د دریمې برخې د پرانيستې او ګټې اخيستنې د سپارلو د همغږۍ غونډه جوړه شوه

د خوف - هرات د اوسپنې پټلۍ د دریمې برخې د کار د پرانیستې او ګټې اخيستنې د همغږۍ ناسته د افغانستان د ریل پټلۍ خپلواکې ادارې عمومي رییس او د ټولګټو وزارت سرپرست محمد يما شمس په مشرۍ او د. . .

پنجشنبه ۱۳۹۹/۵/۹ - ۱۰:۵
Background image

په وروستى ۷ ورځو کې د نږدۍ ۸۰ زرو ټنه تجارتي مالونو ليږد

په دې ورستيو ۷ ورځو کې ( ازمري د ۱ تر ۷ مه)، ۷۹ زرو ۸۰۰ ټنه مالونه او خوراکي توکي، د حيرتان-مزارشريف، آقينې او تورغونډى د اوسپنې پټلۍ په واسطه زمونږ هيواد ته را وارد شوی دي.

دغه خوارکي. . .

چهارشنبه ۱۳۹۹/۵/۱ - ۱۵:۲۳
Background image

په چنګاښ میاشت کې له ۴۹۴ زر ټنونه زیات سوداګریز او خوراکي توکي وارد شوي دي

د حیرتان-مزارشریف، أقینې او تورغونډۍ اوسپني پټلۍ له لارې د ۱۳۹۹ کال د چنګاښ په میاشت کې، نږدې ۸ زرو ۲۰۰ واګونونو پرواسطه سوداګریز توکي هېواد ته وارد شوي دي.

په دې شمېر واګونونو کې د ۴۹. . .

تول