د اوسپنې پټلۍ د پراختیا لپاره د ژمنو او هڅو دوام
د افغانستان اوسپنې پټلۍ مالي او اداري مرستیال، میرویس میرزکوال د دې ادارې له یو شمېر کارکونکو سره ولیدل، او د کوچنۍ اختر در مبارکې ترڅنګ یې دوی ته د ملي او کاري مسوولیتونو په ترسره کولو کې د بریا هیله وکړه.
ښاغلي میرزکوال زیاته کړه چې د افغانستان د اسلامي جمهوری دولت له لیدلوري سره سم، د اوسپنې پټلۍ په سکتور کې د اصلاحاتو نوی پړاو د پلي کيدو په حال کې ده، هغه همداراز زیاته کړه چې اړتیا ده د ادارې د ټولو څانګو کارکونکې په پوره ژمنتیا او مسوولیت سره کار وکړي.
هغه، تر دې دمه د اوسپنې پټلۍ په سکتور کې د ترسره شويو کارونو ستاینه وکړه او زیاته یې کړه چې د ننګونو حلول، د ادارې کارمندانو د امتیازاتو طرزالعمل پلي کول، د تخنیکي، عملیاتي او د عوایدو زیاتیدو لپاره زموږ هڅې دوام لري.
