د مشرانوجرگې د نړۍوالو چارې کمیسیون ته د اوسپنې پټلۍ په اړه توضیحات ورکړل شو
د افغانستان د اوسپنې پټلۍ ادارې عملیاتي مرستیال انجنیر میرویس غفوري د مشرانوجرګې د نړۍوالو چارې کمیسیون کې ګډون وکړ او د اوسپنې پټلۍ په اړوند موضوعاتو د دې کمیسیون غړیو پوښتنې ته توضیحات ورکړ.
دا غونډه چې د یاد کمیسیون مرستیال سید صفی الله هاشمی په مشړۍ جوره شوې وه، د افغانستان او ترکمنستان دولتونو ترمنځ د استراتژیک ګډې معاهدې، د افغانستان او تاجیکستان دولتونو ترمنځ د اوسپنې پټلۍ هوکړه لیک په اړه او د دې سندونو د پلی کیدو د څرنګوالي، ننګونو او فرصتونو په اړه خبرې اترې وکړي.
د اوسپنې پټلۍ عملیاتي مرستیال وویل چې د دې معاهدې او هوکړه لیک د لاسیک کولو موخه د یاد هېوادنو د ټرانسپورټې بنسټونو رامنځته کولو لپاره د متقابلو همکاریو پراختیا، د اوسپنې پټلۍ پروژو پلي کول او د افغانستان اوسپنې پټلۍ شبکي د یادو هېوادنو سره یو ځای کیدل ګړندی کړي.
هغه دغه راز زیاته کړه چې د افغانستان او تاجیکستان ترمنځ د اوسپنې پټلۍ هوکړه لیک د پلی کیدو سره د دواړو هېوادونو د اقتصادي او سوداګریزو اړیکو زیاتوالی، د ټرانسپورټې خدماتو غوړه کول، او د صادراتو او واردتو توکو تنظیم کیدو سبب وګرځي.
همداراز، د افغانستان او ترکمنستان دولتونو ترمنځ د استراتژیکې ګډې معاهدې د پلی کیدو سره د یاد هېوادونو د استراتژیکې همکارۍ زیاتول او د اقتصادي او سوداګرۍ د اوږد مهاله پرمختګ او همکارۍ سبب ګرځي.
په پای کې، د مشرانوجرګې نړۍوالو چارې کمیسیون مرستیال د افغانستان د اوسپنې پټلۍ ادارې مرستیال له توضیحات څخه قدردانې وکړ او د افغانستان، ترکمنستان او تاجیکستان د اړیکو د ټینګیدو لپاره د یاد کمیسیون وړاندیزونه وړاندي کړل.
