د آقینې اوسپنې پټلۍ له لارې د انتقالاتو بهېر دوام
د آقینې اوسپنې پټلۍ له لارې د د مختلفو توکو د لېږد رالېږد خدماتو بهېر دوام لري او هره ورځ سلګونه ټنه تجارتي توکي د آقینې اوسپنې پټلۍ تمځای کې تخلیه او بارګیري کېږي.
څرنګه چې په ورستیو لسو ورځو کې، په یوه ورځ په منځنۍ کچه نږدې ۸ سوه ټنه تجارتي توکې له دې لاره هېواد ته وارد شوي دي. د لېږدول شوو توکو لویه برخه تیل، مایع ګاز او ودانۍ توکي دي.
د یادونې وړده چې، د آقینې اوسپنې پټلۍ له لارې افغانستان له ترکمنستان اوسپنې پټلۍ شبکې سره نښلول شوی او د افغانستان او سیمو هېوادنو ترمنځ یوه مهمه تجارتي لاره ده.
د افغانستان اوسپنې پټلۍ ادارې تل هڅه کوي چې د اوسپنې پټلۍ له لارې د لېږد رالېږد خدمتنونو لا پراخ کړي چې د ملي سوداګرو توکي پر وخت مقصد ته ولېږدول شي.
