د اوسپنې پټلۍ ادارې عمومي رئیس بلخ ولایت کې له سوداګرو سره ولیدل!
د افغانستان د اوسپنې پټلۍ ادارې عمومي رئیس الحاج ملا بخت الرحمن شرافت بلخ ولایت کې د یاد ولایت د سوداګرۍ خونې سرپرست په حضور کې د بلخ ولایت له سوداګرو سره وکتل.
دغه لیدنه کې ښاغلي شرافت د سوداګرو د ستونزو او وړاندیزونو اورېدو ترڅنګ، دوی ته د ستونزو د حل کولو ډاډ ورکړ.
همداراز دغه لیدنه کې ښاغلي شرافت دوی ته ډاډ ورکړ چې د اوسپنې پټلۍ اداره هڅه کوي د سوداګریزو توکو د تخلیې او بارګیري پروسه چټکه او اړوند خدماتو کې لا سهولتونه برابر او د اوسپنې پټلۍ خدماتو کیفیت لا ښه کړي.
ناسته کې حاضرو سوداګرو بلخ ولایت ته د ښاغلي شرافت له ورتګ او وخت پر وخت د دوی د ستونزو او وړاندیزونو د اورېدو له امله خوښي وښوده او مجلس د خیر دعاء په کولو سره پای ته ورسېد.
د نشراتو آمریت
٢٠ ثور ۱۴۰۲ هـ.ش.
