په میزان میاشت کې د اوسپنې پټلۍ له لارې (۳۰۸،۴۹۶) مټریک ټنه انتقالات شوي دي!
د ۱۴۰۲ میزان میاشت له لومړۍ نېټې د همدې میاشتې تر پایه د افغانستان د اوسپنې پټلۍ له لارې (۳۰۸،۴۹۶) متریک ټنه انتقالات شوي دي.
د حیرتان اوسپنې پټلۍ له لارې (۲۳۱،۳۵۴) ټنه، د آقینې اوسپنې پټلۍ له لارې (۲۰،۶۰۴) ټنه، د خواف – هرات اوسپنې پټلۍ له لارې (۲،۱۶۰) او د تورغونډۍ اوسپنې پټلۍ له لارې (۵۴،۳۷۸) ټنه انتقالات چې ټولټال (۳۰۸،۴۹۶) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات او ټرانزیټ دي، په میزان میاشت کې له هېواد څخه (۶،۱۳۳) متریک ټنه صادرات او ټرانزیټ شوي چې د صادراتو لویه برخه وچه مېوه ده.
د افغانستان د اوسپنې پټلۍ اداره هڅه کوي ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي.
د افغانستان د اوسپنې پټلۍ اداره
د نشراتو آمریت
۷عقرب ۱۴۰۲ هـ.ش.
