په زمري میاشت کې د اوسپنې پټلۍ له لارې (۳۳۳،۲۱۹) مټریک ټنه انتقالات شوي دي!
د ۱۴۰۲ زمري میاشت له لومړۍ نېټې د همدې میاشتې تر پایه د افغانستان د اوسپنې پټلۍ له لارې (۳۳۳،۲۱۹) متریک ټنه انتقالات شوي دي.
د حیرتان اوسپنې پټلۍ له لارې (۲۵۴،۱۶۲) ټنه، د آقینې اوسپنې پټلۍ له لارې (۴۲،۶۲۸) ټنه او تورغونډۍ اوسپنې پټلۍ له لارې (۳۶،۴۲۹) ټنه انتقالات چې ټولټال (۳۳۳،۲۱۹) ټنه نفتي، غیر نفتي او نور مواد دي، هېواد ته وارد او صادر شوي دي.
د انتقالاتو له ډلې یوه برخه صادرات او ټرانزیټ دي، په زمري میاشت کې له هېواد څخه (۱۵،۴۱۴) متریک ټنه صادرات او ټرانزیټ شوي چې د صادراتو لویه برخه د انارو جوس دي.د افغانستان د اوسپنې پټلۍ اداره هڅه کوي ترڅو د لا زیاتو انتقالاتو لپاره مناسب شرایط برابر او سوداگرو ته اړین سهولتونه چمتو کړي.
د افغانستان د اوسپنې پټلۍ اداره
د نشراتو آمریت
۵وږی ۱۴۰۲ هـ.ش.
