د افغانستان د اوسپنې پټلۍ خپلواکې ادارې او مالیې وزارت ترمینځ د همغږۍ او همکارۍ په پار غونډه تر سره شوه
د افغانستان اوسپنې پټلۍ خپلواکې ادارې او مالیې وزارت ترمنځ د لا همغږۍ او همکارۍ ناسته وشوه. د افغانستان اوسپنې پټلۍ خپلواکې ادارې مالي او اداري مرستیال ښاغلی میرویس میرزکوال، د مالیي وزارت مالي چاور مرستیال ښاغلی حبیب ځدران او د یاد وزارت یو شمېر رییسانو په کې ګډون کړی وو.
دغه ناسته چې په مالیه وزارت کې جوړه شوی وه، د افغانستان اوسپنې پټلۍ خپلواکې ادارې، مالي او اداري مرستیال د دې ادارې د مالي او حسابي ستونزو ، بودجې، ننګونو او د چارو ښه والې لپاره هر اړخیز معلومات وړاندې کړل او د مالیي وزارت څخه یې د جدي پاملرنې غوښتنه وکړه.
هغه و ویل، د افغانستان اوسپنې پټلۍ خپلواکې اداره یوه له هغه مهمو او عایداتي ادارو څخه ده چې د یادې ادارې د اوسپنې پټلۍ پروژو پر وخت پلي کېدو او د لېږدونی عملیات بهېر د ښه تر سره کېدو او د مختلفو پروژه د تسهیلاتو برابره ولو لپاره، د مالیې وزارت همکارې او مرستې باندې ټینګار وکړ.
ښاغلی میرزکوال زیاته کړه چې د افغانستان د اوسپنې پټلۍ خپلواکې ادارې په تېر مالي کال د دوو میلیارد او ۵۰۰ میلیونو زیاته افغانۍ عواید را ټول کړی و چې د ټاکل شوی هدف شاوخوا ۹۷ سلنه يې ترلاسه کړی ده او همدارنګه یې د روان مالی کال عوایدو په باب ړنا واچوله.
د مالیې وزارت مالی چارو مرستیال د افغانستان د اوسپنې خپلواکې ادارې د وړاندیزونو اوریدو وروسته، ژمنه وکړه چې د یادې ادارې د اړتیاو پوره کولو لپاره به لازم اقدامات وکړي او زیاته یې کړه چې د مالیې وزارت هڅه کوي چې هغه ادارې چې د افغانستان ملی بودجې ته عواید راوړي ځانګرې پاملرنه وکړي.
د نومووړي په وینا چې د افغانستان د اوسپنې پټلۍ خپلواکې ادارې په ګدون هغه عایداتې ادارې چې د عوایدو په راټولولو کې رغنده ونډه لري د مالیې وزارت لخوا د تشویق او هڅونې په پار، ځانګری برنامي په پام کې لري.
