په چنګاښ میاشت کې له ۴۹۴ زر ټنونه زیات سوداګریز او خوراکي توکي وارد شوي دي
د حیرتان-مزارشریف، أقینې او تورغونډۍ اوسپني پټلۍ له لارې د ۱۳۹۹ کال د چنګاښ په میاشت کې، نږدې ۸ زرو ۲۰۰ واګونونو پرواسطه سوداګریز توکي هېواد ته وارد شوي دي.
په دې شمېر واګونونو کې د ۴۹۴ زره ۳۰۰ ټنو نه زیات خوراکي توکي، نفتي ، ودانیز او نور اساسی مالونه ليږدول شوي دي.
په ټولییزډول د وارد شویو توکیو له ډلې، ۲۵۳ زره ۵۰۰ ټنه يې خوراکي توکي( غنم، وړه او غوړي)، نږدی ۱۲۵زره ټنه یې نفتی توکي (تیل او اوبلن ګاز)، ۹۳ زره ټنه یې ودانیز او پاتې ۲۲ زره ټنه يې نور اساسی مالونه شامل دي.
د افغانستان اوسپنې پټلۍ ادارې هڅه کړې د حیرتان-مزارشریف، أقینې او تورغونډۍ اوسپنې پټلۍ له لارې د لېږدولو بهیر په منظم ډول او له ځنډ پرته تر سره شي، ترڅو سوداګریز مالونه په ښه توګه اصلي ځای ته ولېږدول شي.
د یادونې وړ ده چې اوس مهال افغانستان د حیرتان-مزارشرف، آقېنې او تورغنډۍ اوسپنې پټلۍ له لاری د ترکمنستان، اوزبیکستان، قزاقستان، چین، آذربایجان، اوکراین او روسيي هېوادونه د اوسپني پټلۍ له شبکې سره نښلول شوي دي.
