امضای موافقتنامه احداث خط آهن میان افغانستان و تاجیکستان
موافقتنامه بین‌الحکومتی احداث خط آهن میان جمهوری اسلامی افغانستان و جمهوری تاجیکستان توسط محترم یما شمس، رییس عمومی اداره خط آهن وزارت ترانسپورت و خدایار خدایارزاده، وزیر نقلیات جمهوری تاجیکستان به امضا رسید.
در مراسم امضای این موافقتنامه که به روز دوشنبه(۹جدی ۱۳۹۸) در مقر وزارت نقلیات جمهوری تاجیکستان صورت گرفت، احمدمیرزاد شاژدافیر و شماری از دیپلوماتان سفارت جمهوری اسلامی افغانستان مقیم دوشنبه نیز حضور داشتند.
بر اساس موافقتنامه، قرار است افغانستان از طریق خط آهن اصلی جلاالدین بلخی (کلخوزآباد) از شیرخان بندر به منطقه (پنج پایان) تاجیکستان وصل شود.
بر بنیاد این موافقتنامه، مطالعات امکان سنجی تخنیکی و اقتصادی، دیزان، ساختمان، پل بالای دریای پنج در نقطه عبور مرزی، ایستگاه خط آهن شیرخان بندر و ساختمان خط آهن مسیر متذکره، توسط دولت جمهوری تاجیکستان و نهادهای انکشافی ذیدخل آن، انجام می‌شود.
در موافقتنامه آمده که دو طرف اقدامات ضروری را در جهت تسریع اتصال پروژه‌های خط آهن با شبکه خط آهن موجوده بین دو کشور را روی دست می‌گیرند.
