د محمد يوسف غضنفر دې مړينې په مناسبت د افغانستان د اوسپنې پټلۍ عمومي رئيس او د ټولګټو وزارت سرپرست د ډاډګيرنې پيغام!
بِسْمِ اللّٰهِ الرَّحْمٰنِ الرَّحِيمِ
وَ بَشِّرِ الصَّابِرينَ أَلَّذينَ إِذا أَصابَتْهُمْ مُصيبَةٌ قالُوا إِنَّا لِلَّهِ وَ إِنَّا إِلَيْهِ راجِعُونَ
په ژورې خواشينۍ سره مو خبر ترلاسه کړ چې په اقتصادي او سوداګريزو چارو کې د جلالتمآب جمهور رئيس ځانګړي استازي محمد يوسف غضنفر د کرونا ناروغۍ له کبله خپل روح حق ته وسپاره.
محمد يوسف غضنفر راته د مشر ورور حيثيت درلود، هغه خيرخواه او ولس داره شخصيت او د هيواد ملي سوداګر وو په خپل ژوند کې يي د هيواد پرمختګ او د خلکو ارامۍ لپاره نه ستړې کيدونکې هلې ځلې دريغ کړې نه دي او بلاخره په دا لاره کې يي خپل روح حق ته وسپاره او مړينه يي د هيواد لپاره يوه ستره ضايع ده.
زه د خپلې خواخوږۍ او غمرازۍ مراتب د افغانستان حکومت مشرتابه، د اروښاد کورنۍ غړو، دوستانو او د افغانستان شريفو خلکو ته وړاندې کوي د الله په دربار کې اروښاد ته د جنت الفردوس او کورنۍ ته يي د جميل صبر دعا کوم.
درناوى
محمد يما شمس، د افغانستان اوسپنې پټلۍ عمومي رئيس او د ټولګټو وزارت سرپرست
