د لوی اختر په مناسبت د افغانستان اوسپنې پټلۍ اداره مشرتابه د مبارکۍ پيغام!
د افغانستان اوسپنې پټلۍ اداره مشرتابه د لوى اختر مبارکي د دولت مشرتابه د افغانستان ټول شریف ملت او د هیواد اوسپنۍ پټلۍ کارکوونکو ته مبارکي وایي.
لوی اختر د نرۍ د مسلمانانو د یووالي، خواخوږۍ او برابرۍ سمبول ده او د خداي جل جلاله هو په لاره کې د حضرت ابراهیم خلیل الله د قربانۍ، اخلاص او بنده ګۍ ښکارندوی کوي.
هیله مند یو چې د دغه بختور اختر په برکت سره، د کوویډ ۱۹ ویروس مصیبت او د جنګ بدبخته سیوری زموږ له ګران هیواده خپله لمن ټوله او په ټول افغانستان کې د سولې لمر را وخیژي.
په داسې حال چې په افغانستان کې د کرونا ویروس خپریدل لکه د نړۍ د نورو هېوادونو په څیر د هیواد ټرانسپورتي سکټور باندې منفي اغیز کړی، مګر د ټولو موجوده ستونزو سره سره د خوښى ځاى ده چې هېواد ته د اوسپنې پټلۍ له لارې د تجارتي مالونو لېږد په منظم ډول دوام لري او هره ورځ زرو ټنو زیات سوداګریز توکي چې يوه عمده برخه یې خوراکي مواد دي، لېږدول شوي دي.
د افغانستان د اوسپنې پټلۍ ادارې مشر تابه تعد لړى چې د سیمې او نړۍ له سوداګریزو او اقتصادي مرکزونو سره د نښلونې په موخه د اوسپني پټلۍ د پرمختللې شبکې رامنځته کېدل، پراختیا او تنظیم چې وکولای شي په اغېزمنه توګه د افغانستان خلکو د اقتصادي پرمختګ، روغتیا، پوهنې او هوساینې په برخه کې مرسته وکړي او د خصوصي سکټور د پانګونې پرمختګ لامل شي او دغه راز وکولای شي د سیمه ییز امنیت او ثبات په برخه کې مرسته وکړي.
د خوښۍ ځاى ده، چې د هېواد په بېلابېلو ځايونو کې د اوسپنې پټلۍ ځينې پروژې جريان لري او هڅه کېږي چې راتلونکو څو مياشتو کې لسګونه کيلومتره اوسپنيزه پټلۍ ګتې اخيستنې ته وسپارل شي.
و من الله توفیق
د افغانستان اوسپنې پټلۍ اداره مشرتابه
